Италия чемпионатининг 18-турида «Наполи» ўз майдонида «Венеция»ни қабул қилиб, захирадан тушган Распадорининг голи эвазига ғалаба қозонди. 

Мезбонлар ҳужумчиси Лукаку 1-бўлимда пеналтидан фойдалана олмади. 

Конте жамоаси очколарини 41 тага етказиб, пешқадам «Аталанта» билан тенглашди ва тўплар нисбатига кўра 2-ўринга жойлашди. «Венеция» 13 очко билан 19-поғонада қолди. 

Турнинг яна бир баҳсида «Торино» (20, 10-ўрин) «Удинезе» (24, 9-ўрин) майдонида жанговар дуранг қайд этди. 

А Серия. 18-тур. 29 декабр

Наполи — Венеция 1:0

Гол: Распадори (79). 

Аниқ амалга оширилмаган пеналти: Лукаку (37). 

Наполи – Мерет, Оливера (Спинаццола, 88), Жезус, Рраҳмани, Ди Лоренцо, Мактоминей, Лоботка, Замбо-Ангисса (Распадори, 70), Нерес, Лукаку, Кварацхелия (Политано, 75).

Венеция – Станкович, Шверко, Идзес, Алтаре, Эллертссон (Андерсен, 70), Карбони (Кандела, 60), Бузио, Николусси-Кавиля, Зампано (Бяркасон, 88), Йебоа (Похянпало, 70), Ористанио (Ал Ҳаддод, 88).

Огоҳлантиришлар: Алтаре (31), Станкович (74).

Удинезе — Торино 2:2

Голлар: Туре (41), Лукка (49) — Адамс (53), Риччи (64).

Удинезе – Сава, Туре (Атта, 72), Бийол, Кабаселе, Земура (Камара, 71), Эккеленкамп, Карлстрем, Ловрич (Абанква, 72), Эхизибуэ, Лукка, Товен (Санчес, 80).

Торино – Милинкович-Савич, Коко, Марипан, Войвода, Соса (Дембеле, 83), Гинейтис (Илич, 46), Риччи, Влашич (Линетти, 83), Педерсен (Лазаро, 46), Карамо (Санабрия, 90), Адамс.

Огоҳлантириш: Абанква (87).