ESPN 2024 йилнинг энг яхши футболчи ва мураббийларини эълон қилди.

«Реал» клуби ва Бразилия миллий жамоаси вингери Винисиус Жуниор 2024 йилнинг энг яхши ўйинчиси деб топилди. Мадридликлар устози Карло Анчелотти эса энг яхши мураббий сифатида эътироф этилди. 

Евро-2024 чемпиони Испания якунланаётган йилнинг энг яхши жамоасига айланди, «Барселона» вингери Ламин Ямал энг яхши ривожланиш учун тақдирланди. Чемпионлар Лигасининг чоракфиналидан ўрин олган «Реал» – «Манчестер Сити» (3:3) баҳси йилнинг энг яхши ўйини деб топилди. 

Аёллар футболида ҳам натижалар сарҳисоб қилинди: йилнинг энг яхши футболчиси — Айтана Бонмати («Барселона»), энг яхши жамоа — «Барселона», энг яхши мураббий — Эмма Ҳейс («Челси» / АҚШ миллий жамоаси).