«МЮ» ҳужумчиси Маркус Рэшфорд қишки трансфер ойнасида Италия А Сериясига кўчиб ўтиши мумкин.

Tuttosport хабарига кўра, «Манчестер Юнайтед» Турин клубига ҳужумчини сотиб олишни таклиф қилган. «Ювентус» эса фақат ижара масаласини кўриб чиқишга тайёр. Шунда ҳам «Юве» Маркуснинг маошини бир қисмини тўламоқчи, қолган қисмини «МЮ» тўлашини истамоқда.

Қайд этилишича, «Ювентус» бош мураббийи Тиаго Мотта «Манчестер Юнайтед»дан Рэшфордни эмас, яна бир ҳужумчи Жошуа Зиркзени таклиф этишни истамоқда. У Зиркзе билан «Болоня»да бирга ишлаган.

Маълумот учун, Рубен Аморим кетма-кет тўртта ўйиндан буён Рэшфордни «МЮ»нинг қайдномасига киритмаяпти.