«Реал» ҳужумчиси Килиан Мбаппе собиқ жамоаси «ПСЖ» ҳақида гапирди. 

«ПСЖ»да 7 йилни ўтказдим, бу мен учун катта шараф эди. Буни етарлича айтганим ёки кўрсатганим йўқ деб ўйлайман, лекин қаерда эканлигимни ва бу клуб қанчалик катта эканлигини доим билардим. Мен ҳар доим айтганман: бу — Франциянинг энг катта клуби ва дунёдаги энг яхши жамоалардан бири.

Дунёнинг энг катта клубига ўтдим. Доим айтганман: «Реал» — «ПСЖ»ни тарк этишимга сабаб бўла оладиган ягона клуб.

Агар «Реал»га ўтмаганимда, «ПСЖ»да абадий қолган бўлардим. Мадрид клубида ўйнаш менинг орзум эди ва бахтлиман. Лекин, албатта, ҳар доим «ПСЖ»нинг ўйинларини кузатаман, жамоада дўстларим бор, ҳозир улар яхши ўйнашмоқда», — деди франциялик форвард beIN Sports эфирида.