Пеп Гвардиола «Манчестер Сити»даги жароҳатлар ҳақида маълумот берди.

«Ҳимоячи Рубен Диаш уч ёки тўрт ҳафта бизга ёрдам бера олмайди. Бу унинг мушак жароҳати билан боғлиқ.

Рубен «МЮ» билан учрашувнинг иккинчи бўлимида жароҳат олганига қарамай, ўйинни давом эттирган. Энди жароҳатини даволамоқда.

Аканжи сўнгги икки кун давомида машғулотларда иштирок этди, бу биз учун яхши янгилик» – деди «Манчестер Сити» бош мураббийи.

Маълумот учун, «шаҳарликлар» эртага, 21 декабр куни АПЛ 17-турида сафарда «Астон Вилла»га қарши ўйнайди.