«Бавария» Франц Беккенбауэр шарафига 5-рақамни бир умрга сақлаб қўяди. 

«5 рақами ноёб мерос бўлиб сақланиб қолади. Чунки бизнинг клуб ва унинг тарихини Францсиз тасаввур қилиб бўлмайди», — дейди «Бавария» президенти Ҳерберт Ҳайнер.

Жаҳон ва Европа чемпиони, 2 карра «Олтин тўп» соҳиби, «Бавария»нинг собиқ президенти Франц Беккенбауэр 2024 йилнинг 7 январида вафот этганди.

Беккенбауэр футболчи сифатида «Бавария» билан 4 мартадан Германия чемпионлиги ва мамлакат кубогини қўлга киритган, 3 бор Европа чемпионлар кубогида зафар қучган, Кубок эгалари кубоги ва қитъалараро кубокни ҳам ютган. Қолаверса, у «Бавария» мураббийи сифатида Германия чемпионига айланган ва УЕФА кубогини қўлга киритган.