«Сўғдиёна» клуби Шохруҳбек Абдураҳмонов билан келишув узайтирилгани ҳақида эълон қилди.

Клуб хабарига кўра, томонлар ўртасида тузилган меҳнат шартномаси муддати бир йилга узайтирилган.

«Жамоамиз маҳоратли яримҳимоячиси Шохруҳбек Абдураҳмонов ҳамда «Сўғдиёна» 2025 йилнинг декабр ойигача шартнома муддатини узайтирди», - дейилади клуб хабарида.

Маълумот учун, 25 ёшли яримҳимоячи Суперлига-2024 7 учрашувда майдонга тушиб, 540 дақиқа давомида рақиблар дарвозасини 6 маротаба ишғол қилди. У жароҳат сабабли узоқ муддат майдонга туша олмади.