Карло Анчелотти «Реал»нинг мағлубиятлари ҳақида фикрини билдирди.

Ла Лиганинг 19-туридан қолдирилган ўйинда Мадрид клуби сафарда «Атлетик»га 1:2 ҳисобида ютқазди.

– Сиз учун қайси бири ғалатироқ: жамоанинг чемпионатдаги учта мағлубиятими ёки ўтган йили фақат битта ўйинда ютқазилгани?

– Қисқа вақт ичида жами бешта мағлубиятга учраганимиз ғалатироқ. Сўнгги ўйинларда айрим жиҳатларни яхшиладик, лекин ҳали ҳам ўтган йилгидек барқарор эмасмиз.

Сўнгги икки мағлубият жуда қийин стадионларда рўй берди. Ҳозирча, футболчилар аста-секин жамоага қайтмоқда ва биз ўз савиямизни тиклаймиз, – дейди «Реал» бош мураббийи.

Маълумот учун, «Реал» Ла Лигада 15 ўйинда 33 очко жамғариб, 2-ўринда бормоқда. «Барселона» эса 16 ўйинда 37 очко жамғарган ҳолда пешқадам саналади.