«Локомотив» бош мураббийи Григорий Колосовский Суперлига сўнгги туридан ўрин олган «Нефтчи» (2:3) билан ўйиндан сўнг ўз фикрларини билдирди. 

Мағлубиятдан кейин «Локомотив» Пролигага тушиб кетди. Чунки сўнгги тургача охирги ўринда бўлган «Металлург» муддатидан аввал чемпионликни қўлга киритган «Насаф» майдонида ғалаба қозониб, бир поғона юқорилашни уддалади ва охирги ўринга Тошкент клуби тушиб кетди.

«2:0 ҳисобида олдинда бораётгандик. Кейин эса совринли ўринлар учун курашаётган юқори даражали рақибга имконият беришни бошладик. Якунда мағлуб бўлдик. 

Бугун таркибимизда 18 ёшли футболчилар ҳаракатланди. Аммо исталган ҳолатда ҳам бугун ғалаба қозонишимиз керак эди. 

Бугун чемпионларга («Насаф») саволларим бор, улар охиригача чемпион бўлиб қолишлари керак. Улар — ўзбек футболининг юзи, уларни ҳурмат қиламан. Лекин саволларим жуда кўп», — дея Колосовскийнинг сўзларини келтиради клуб матбуот хизмати.