«Ливерпул» Трент Александр-Арнолд ўрнига Жереми Фримпонгни сотиб олиши мумкин.

Бу ҳақда Билд нашри журналисти Кристиан Фалк хабар берди.

Мерсисайд клуби келаси ёзда шартномаси тугайдиган ва «Реал»га ўтиши айтилаётган англиялик футболчи ўрнини «Байер» ҳимоячиси билан тўлдиришни кўриб чиқмоқда. 

«Ливерпул» Фримпонгни жуда яхши вариант деб билади. 23 ёшли нидерландияликнинг шартномасида товон пули 40 млн еврони ташкил қилади. 

Бундеслиганинг ушбу мавсумида Фримпонг 11 та ўйин ўтказиб, 1 та гол ва 2 та ассистни ўз ҳисобига ёздириб қўйди.