Лионел Месси «Барселона» клубини юбилейи билан қутлади. 29 ноябр куни Каталония клуби 125 ёшга тўлди.

«Клубни 125 йиллик билан табрикламоқчиман. Мен учун «Барселона»нинг бир қисми ва унинг мухлиси бўлиш – катта шараф.

Яратган менга бу ерга келиб, бутун ҳаётимни бу ажойиб клубда ўтказиш имконини берди. Бу ўзгача клуб, бошқасига ўхшамайди. Клубни, шаҳарни, одамларни ва уларнинг меҳрини жуда соғиндим.

Умид қиламанки, биз муваффақиятларга эришишда давом этамиз ва бу клубни янада муваффақиятлироқ қиламиз», – деди «Барселона»нинг собиқ ҳужумчиси 3Cat телеканалидаги Nou Clam дастурида.