Россия миллий жамоаси келаси йил бўлиб ўтадиган Марказий Осиё футбол ассоциацияси (CAFA) ташкил этадиган турнирда иштирок этиши мумкин.

CAFA томонидан ташкил этиладиган турнир ўйинлари 1-9 сентябр кунлари ўтказилиши кутилмоқда. CAFA кубогида ассоциацияга аъзо саналадиган олти мамлакат жамоаси – Ўзбекистон, Тожикистон, Қирғизистон, Афғонистон, Туркманистон, Эрон ва яна икки таклиф қилинадиган жамоа иштирок этади. Россия ОАВ хабарига кўра, турнирга таклиф этиладиган жамоалардан бири Валерий Карпин бошчилигидаги Россия миллий жамоаси бўлиши кутилмоқда.

Маълумот учун, CAFA Кубоги тарихидаги илк турнир ўтган йил июн ойида Тошкент ва Бишкекда бўлиб ўтганди. Финалда Ўзбекистон Эронга мағлуб (0:1) бўлганди.