«Барселона»нинг собиқ ҳужумчиси, ҳозирда «Интер Майами»да ўйнаётган Лионел Месси Каталония клубидаги энг муҳим лаҳзасини айтди.

«Фақат бир нарсани танлаш қийин. Аммо бир лаҳзани танлашим керак бўлса, дебютимни айтаман. 

Аргентинадан кўчиб келиш орқали кўп қурбонликлар қилганман. Шу сабаб ҳаётимни бутунлай ўзгартирган дебютимни энг муҳими деб биламан», — деди Месси YouTube'даги 3Cat каналига берган интервюсида.

Эслатиб ўтамиз, Месси «Барселона» билан 10 марта Ла Лигада, 8 бор Испания Суперкубогида, 3 мартадан ЕЧЛ ва клублар ўртасидаги жаҳон чемпионатида ғолиб чиққан. 37 ёшли форвард Испания чемпионати, «Барселона», «Интер Майами» ва Аргентина миллий жамоаси тарихидаги энг яхши тўпурар ҳисобланади.