«Манчестер Сити» бош мураббийи Пеп Гвардиола «Ливерпул»га қарши ўтадиган якшанба кунги учрашув олдидан жамоаси аввалги ғалабали йўлига қайтишини, аммо бу қачон амалга ошишини билмаслигини тан олди.

«Биз қайтамиз, мен буни биламан, ишонаман. Аммо қачонлигини айта олмайман. Бу ҳақиқат.

Премьер-лига турнир жадвалида иккинчи ўриндамиз. Ҳа, натижалар бўйича яхши ҳолатда эмасмиз, лекин ўйинимиз яхши эди, бироқ ўйинларда ғалаба қозониш учун етарли бўлмаяпти», - дейди Гвардиола.

Маълумот учун, «Ман Сити» охирги 6 ўйинда 5 мағлубият ва 1 дуранг қайд этди. Амалдаги чемпион навбатдаги турда якшанба куни пешқадам «Ливерпул» меҳмони бўлади.