Ўзбекистон миллий жамоаси яримҳимоячиси Аббосбек Файзуллаевнинг ЦСКА клубидаги маоши маълум бўлди.

Россиянинг Сashsport сайтига кўра, ўзбекистонлик 21 ёшли яримҳимоячи Москва клубида йиллик 110 минг евро маош олмоқда. Бу ойлик 9167 евро маош деганидир.

Қизиғи, Файзуллаев ЦСКА етакчиларидан бири саналсада, маошлар миқдори бўйича клубдаги энг кам ҳақ олувчилар қаторида турибди. Жумладан, жамоа сардори саналмиш дарвозабон Игор Акинфеевнинг йиллик маоши 1,6 миллион еврони ташкил этса, Дивеев 1,5 млн евро, Обляков 1,25 млн евро, Круговой 1 млн евро маош олиши кўрсатилган.

Маълумот учун, Аббосбек Файзуллаев 2023 йилнинг ёзида 500 минг евро эвазига «Пахтакор»дан ЦСКАга ўтганди. У жорий мавсумда Россия Премьер-лигасида 14 ўйинда 2та гол ва 3та ассист қайд этган.