Неймарнинг агенти Пини Заҳави бразилиялик футболчининг «Ал-Ҳилол»ни тарк этиши ҳақидаги хабарларни рад этди.

«Неймарнинг «Ал-Ҳилол»ни тарк этиши бўйича ҳеч қандай музокара олиб борилаётгани йўқ. Унинг Ар-Риёд клуби билан амалдаги келишуви бор ва футболчи ўзини бу жамоада бахтиёр ҳис этмоқда. Неймарнинг келажаги ҳақида ўзидан ташқари, фақат мен ва унинг отаси гапира олади. Бундай миш-мишларни ким тарқатаётгани бизга номаълум», - дея Заҳавининг сўзларини келтирган Фабрицио Романо.

32 ёшли ҳужумчи жорий мавсум 2 ўйинда майдонга тушиб, яна жароҳат олганди.