Криштуану Роналду YouTube каналидаги навбатдаги меҳмон ўзидан ҳам машҳур эканини анонс тариқасида маълум қилди.

17 ноябр куни португалиялик мегаюлдуз YouTube саҳифасида янги меҳмон ҳақида Рио Фердинанд билан суҳбатда: «Биз интернетни портлатиб юборамиз», — деди. У шунингдек, сирли меҳмон ўзидан кўра машҳурроқ экани ҳам айтди.

Тахминларга кўра, супермеҳмон — «MrBeast» номи билан танилган америкалик блогер Жимми Доналдсон бўлиши мумкин. Интернетда Роналду, унинг ўғли ва ютубернинг бирга тушган сурати пайдо бўлганди.

Маълумот учун, Роналдуни YouTube да 67 миллион кузатувчиси бор. «MrBeast» эса тармоқда энг кўп — 331 миллион обуначиларга эга.