Неймар «Сантос»га ўтишга яқин турибди.

Журналист Сеcар Луис Мерлонинг хабар беришича, 32 ёшли форвард профессионал фаолиятидаги илк жамоасига қайтишга тайёр. Томонлар аллақачон келишиб олишган. Ҳозирда «Ал Ҳилол» билан шартномани бекор қилиш устида иш олиб борилмоқда. 

«Сантос» бу мавсумни Бразилия иккинчи лигасида ўтказди ва муддатидан аввал юқори дивизион йўлланмасини қўлга киритди. Жамоа сўнгги ўйинини 25 ноябр куни ўтказади ва шундан сўнг Неймар трансфери эълон қилиниши кутилмоқда. 

Бразилиялик футболчи бир йилдан кўпроқ вақт ичида Саудия Арабистони чемпионатида атиги 3 та ўйин ўтказди.