Жонатан Дэвидга яна бир тўп-клуб — «Бавария» қизиқиш билдирмоқда.

Бунгача «Лилл» ҳужумчисига «Интер», «Ювентус», «Милан», «Барселона» ва «Атлетико» каби клублар ҳам эътибор қаратганди.

Канадалик 24 ёшли футболчи келаси йилнинг ёзида эркин агентга айланади. У «Бавария»даги ватандоши Алфонсо Дэвис билан яқин дўст саналади.

Дэвид бу мавсум Лига 1 да ҳозирча 11 та ўйинда майдонга тушиб, 7 бор тўп киритди. Унинг Transfermarkt порталидаги баҳоси 45 миллион еврога тенг.