Федерико Валверде яқин ҳафталарда ўнг қанот ҳимоясида ўйнайди.

«Реал»нинг ўнг қанот ҳимоячилари Лукас Васкес ва Даниэл Карвахал жароҳат олган эди. Иккинчиси мавсум охиригача сафдан чиққан. 

АS хабарига кўра, Васкес тикланмагунча бу ўринни яримҳимоячи Валверде эгаллайди. Испаниялик футболчи тахминан бир ойдан кейин майдонга қайтади. 

Уругвайлик яримҳимоячи «Реал»даги ўйинлари давомида ўнг қанот ҳимоячиси сифатида 4 та ўйин ўтказган — Карло Анчелотти ва Зинедин Зидан қўл остида иккитадан. Охиргиси 2022 йил январида бўлиб ўтган.