«Лион» молиявий муаммолар туфайли Лига 1дан четлатилиши мумкин, деб ёзади L'Equipe. 

Клубга қишки ойна олдидан трансфер тақиқи қўйилди ва маошлар бўйича чегара ҳам қайд этилди. 

Қолаверса, клубнинг молиявий аҳволи яхшиланмаса, ушбу мавсум якунида Лига 1дан четлаштирилади ва Лига 2га тушириб юборилади. 

Аввалроқ «Лион»нинг 505,1 млн евро молиявий қарзи борлиги ҳақида хабар берилганди. Клубнинг трансфер фаолияти 2023 йилнинг ёзидан бери назорат остида эди. Ўтган мавсум охирида клуб текширувдан ҳам ўтказилган.