ЖЧ-2026 ҳал қилувчи саралаш босқич 5-тури доирасида Ўзбекистон миллий жамоаси Қатар билан ўйинда жуда аламли мағлубиятга учради.
Сречко Катанец шогирдлари учун биринчи бўлим жуда омадсиз ўтди. Элдор Шомуродов 21-дақиқада жароҳат олиб, майдонни тарк этгач, захирадан ўйингача бетоб бўлган Жалолиддин Машарипов тушди. Аммо бўлим якунига қадар вазият янада ёмонлашди. 26 ва 41-дақиқада Афифнинг узатмаларидан кейин Али Алмоэз дублга эришиб, жамоасини танаффусга иккита тўп фарқидаги устунлик билан олиб чиқди – 2:0.
Катанецнинг иккинчи бўлимдаги ўзгаришлари ниҳоят 75-дақиқага келиб ўз самарасини берди. Ҳужумкорликни оширган вакилларимиз Аббосбек Файзуллаевнинг бош билан йўллаган зарба билан ҳисобни қисқартирган бўлса, орадан 5 дақиқа ўтиб, яна 21 ёшли яримҳимоячининг ўзи катта саҳнага чиқиб, Машариповнинг узатмасини голга айлантирди – 2:2.
Сўнгги дақиқаларда ушбу дурангни сақлаб қолиш учун яримҳимоячи Азизбек Турғунбоев ўрнига ҳимоячи Рустам Ашурматовнинг майдонга туширилиши ўзини оқламади. 90+12-дақиқада қатарликлар Мендеснинг голи эвазига ғалабани илиб кетишди – 3:2.
Шу тариқа, Ўзбекистон миллий жамоаси Доҳадаги аламли мағлубиятдан кейин 10 очко билан гуруҳда Эрондан (13 очко) кейин 2-ўринда бормоқда. Қатар эса 7 очко билан 4-ўринда қолди. Ўзбекистон навбатдаги турни 19 ноябр куни Лаосда КХДРга қарши ўтказади.
Гуруҳдаги иккинчи баҳсда БАА Қирғизистон устидан йирик 3:0 ҳисобида зафар қучди ва 7 очко билан 3-ўринда бормоқда.
ЖЧ-2026 саралаши. 5-тур
Қатар – Ўзбекистон – 3:2
Ҳакам: Ким Жонг Хёк (Ж.Корея)
ВАР: Ким Хигон (Ж.Корея)
Голлар: Али Алмоэз 26, 41, Лукас Мендес 90+12 – Аббос Файзуллаев, 75, 80.
Қатар: 22.Машъал Баршам, 4.Муҳаммад Ваад, 5.Тари Салмон, 7.Аҳмад ал-Ганоҳи, 10.Акром Афиф, 12.Лукас Мендес, 13.Иброҳим Муҳаммад, 15.Бассам Ал Рави, 16.Буалем Хухи, 19.Али Алмоэз, 20.Аҳмад Абдулла.
Ўзбекистон: 1.Ўткир Юсупов, 2.Абдуқодир Ҳусанов, 3.Ҳожиакбар Алижонов, 7.Отабек Шукуров (8.Жамшид Искандеров, 70), 9.Одил Ҳамробеков, 13.Шерзод Насруллаев (4.Фаррух Сайфиев, 70), 14.Элдор Шомуродов (10.Жалолиддин Машарипов, 21), 18.Абдулла Абдуллаев (17.Бобур Абдухолиқов, 46), 19.Азизбек Турғунбоев (5. Рустам Ашурматов, 90), 22.Аббосбек Фазуллаев, 23.Ҳусниддин Алиқулов.
БАА – Қирғизистон – 3:0.
Гуруҳдаги вазият:
