Осиёда 2026 йилги жаҳон чемпионати саралаши доирасидаги 5-тур учрашувларига старт берилди.

С гуруҳидаги иккинчи йўлланма учун даъвогарлик қилаётган Австралия ва Саудия Арабистони ўзаро майдонга тушди. Баҳс давомида икки томонда ҳам ҳисобни очиш учун яхши имкониятлар юзага келди. Айниқса, саудияликлар 90+3-дақиқада Султоннинг зарбасидан кейин ҳисобни очганига қарамай, тўп йўналишида саудиялик футболчининг қолиб кетгани сабабли гол офсайд дея бекор қилинди – 0:0.

Шу тариқа, ҳар икки жамоа очколари сонини 6тага етказиб, 2-3-ўринни эгаллаб турибди. Япония эса 10 очко билан яққол пешқадамлик қилмоқда.

ЖЧ-2026 саралаши. С гуруҳи. 5-тур

Австралия – Саудия Арабистони – 0:0.