Ансу Фати жароҳати сабаб бир ойга сафдан чиқди.

«Барселона» ҳужумчиси чоршанба кунги машғулот пайтида ўнг сонининг орқа мушакларидан жароҳат олди. 

Футболчи тахминан 4 ҳафтани ўтказиб юборади, дейилади клуб баёнотида.

Бу — 22 ёшли Фатининг ушбу мавсумдаги иккинчи жароҳати. Футболчи июл ойида ҳам оёғини жароҳатлаб, мавсум стартини ўтказиб юборганди. 

Бу мавсумда Фати Ла Лигада 4 та ўйинда майдонга тушди ва гол урмади.