«Реал» келаси ёзда бир неча ўйинчиларни ўз сафига қўшиб олишни режалаштирган.

AS'нинг ёзишича, мадридликлар ёзги трансфер ойнаси очилишидан олдин ёки унинг вақтида амалга оширишга ҳаракат қилаётган тўртта потенциал келишув мавжуд.

Аввало, испан клуби эркин агентга айланадиган ҳимоячилар — Жонатан Та («Байер»), Трент Александр-Арнолд («Ливерпул») ва Алфонсо Девис («Бавария») билан шартнома имзоламоқчи. 

Шунингдек, «Реал» «Байер» яримҳимоячиси Флориан Виртцни сотиб олмоқчи ва бу бўйича аллақачон немис клуби билан алоқада. 21 ёшли футболчи 130 млн еврога баҳоланган.

Таъкидланишича, Та ва Виртцнинг ўтиши асносида Леверкузен клубида ишлаётган Хаби Алонсонинг келажакда мадридликлар бош мураббийи бўлиши мумкинлиги муҳим рол ўйнайди.