Алфонсо Дэвис «Реал»га ўтишга қарор қилди.

Бу ҳақда Мадрид клубига «Бавария» ҳимоячисига яқин одамлар маълум қилишди, деб ёзади журналист Рамон Алварес де Монт. 

«Реал» футболчининг қарори ҳақида бир неча кун аввал хабар топган. 

Таъкидланишича, 24 ёшли канадаликка «Барселона» ва «Манчестер Юнайтед» ҳам таклифлар билан чиққан, бироқ Дэвис уларга келажаги борасида якуний қарорга келганини айтган. 

Ҳимоячининг «Бавария» билан шартномаси ушбу мавсум охиригача амал қилади ва у ёзда эркин агентга айланади.