Ҳанси Флик Жонатан Тани «Барселона» сафида кўришни истамоқда.

Ҳимоячининг амалдаги келишуви 2025 йилнинг ёзида ниҳоясига етади. Та ҳозирча Леверкузен клуби билан келишувни узайтиргани йўқ. Ҳанси Флик Та билан Германия миллий жамоасидаги фаолиятидан таниш эканлиги сабабли, уни Каталония клубига кўчиб ўтишга кўндира олишига ишонмоқда. 

«Байер» қишки трансфер ойнасида футболчиси билан хайрлашишга қарши эмас, аммо Тани камида 15 миллион еврога сотмоқчи. «Барселона» ушбу ҳимоячини ёзда сотиб олишни кўзлаётган бўлса, «Реал» ҳимоядаги муаммолари сабабли қишдаёқ бу трансферни амалга оширишни ўйламоқда.

Аввалроқ, «Бавария» ҳам Жонатанни ўз режаларига киритгани ҳақида хабарлар тарқалганди.