Орелиен Чуамени марказий ҳимояда ўйнайди.

«Реал» яримҳимоячиси айни вақтда тўпиғидан олган жароҳатидан тикланмоқда. 

АS хабарига кўра, франциялик футболчи майдонга қайтганидан кейин Антонио Рюдигер билан бирга жуфтликда ўйнайди. Бош мураббий Карло Анчелотти 24 ёшли футболчини қишда янги ҳимоячи сотиб олинмагунча ёки Давид Алаба сафга қайтгунича марказий ҳимояда ўйнатади.

Чуамени 4 декабр кунги «Атлетик» ёки 7 декабрдаги «Жирона»га қарши ўйинга тайёр бўлиши кутилмоқда.

Эътиборлиси, ўтган мавсумда Орелиен 10 бор ҳимоя марказида ўйнаган ва бу баҳсларнинг бирортасида «Реал» ютқазмаган.