Ноябр ойидаги ўйинларга чақирилган англиялик 8 нафар футболчи миллий жамоага бормайдиган бўлди.

Трент Александр-Арнолд, Леви Колуилл, Филипп Фоден, Жек Грилиш, Коул Палмер, Аарон Рамсдэйл, Деклан Райс ва Букайо Сака жароҳат сабабли миллий жамоанинг бўлажак йиғинида қатнашмайди.

Уларнинг ўрнига Жеррод Боуэн («Вест Ҳэм»), Жерред Брэнтуэйт («Эвертон»), Валентино Ливраменто («Нюкасл»), Морган Рожерс («Астон Вилла») ва Жеймс Траффорд («Бёрнли») чақирилди. 

Ноябр ойида Англия Миллатлар Лигаси доирасида Греция ва Ирландияга қарши ўйнайди. Беллашувлар 14 ва 17 ноябр кунлари бўлиб ўтади.