Криштиану Роналду Португалия футбол федерацияси томонидан тақдирланди.

Душанба куни Лиссабонда Quinas de Ouro совринини тантанали тарзда топшириш маросими ўтказилиб, «Ан-Наср» ва Португалия миллий жамоасининг 39 ёшли форварди мамлакат футболининг энг нуфузли – Quinas de Platina совринини қўлга киритди.

«Quinas de Platina – энг нуфузил соврин. Бу соврин мамлакат учун улкан хизмат қилган, Португалиянинг жаҳондаги элчиси Криштиану Роналдуга топширилаётгани бежизга эмас. У миллий жамоада 20 йил ўйнаб, йиллар давомида борини бериб келмоқда. Криштиануга аввало мамлакатига бўлган муҳаббати учун миннатдорчилик билдирамиз, соврин билан табриклаймиз», - дейди ПФФ президенти Фернанду Гомеш.