Римнинг «Рома» клуби жамоа бош мураббийи лавозимига бир қатор номзодларни кўриб чиқмоқда.

La Gazzetta dello Sport хабарига кўра, Рим клуби истеъфога чиқарилган Иван Юрич ўрнига янги мураббийни ФИФА кунларидаёқ аниқлаб, таклиф этишни режалаштирган.

Клуб раҳбарияти ҳозиргача Эрик тен Ҳаг, Грэм Поттер ва Эдин Терзичнинг номзодини кўриб чиқмоқда. Аммо бу мутахассисларнинг «Рома»да ишлашга розилик билдириши имконияти катта эмас.

Маълумот учун, «Рома» А Серия турнир жадвалида 12-ўринни эгаллаб турибди. Клуб Де Россини истеъфога чиқаргач, Иван Юрич ҳам жамоада узоқ ушланиб қолмади.