«Лечче» жамоага Марко Жампаоло бош мураббий этиб тайинланганини эълон қилди.

Италиялик 57 ёшли мутахассис билан 2025 йил 30 июнигача мўлжалланган шартнома имзоланди. Агар мураббий жамоани А Серияда олиб қолса, битим автоматик равишда узайтирилади.

12-турдан кейин «Лечче» турнир жадвалида 18-ўринни эгаллаб, қуйи лигага тушиб кетиш зонасида бормоқда. Шанба куни собиқ мураббий Лука Готти клубдан бўшатилганди.

Жампаолонинг сўнгги иш жойи 2022 йилда «Сампдория» бўлган. У шунингдек, «Торино», «Милан», «Эмполи», «Кремонезе» ва «Каляри» клубларини бошқарган.