«Галатасарой» дарвозабони ва сардори Фернандо Муслера «Фенербаҳче» бош мураббийи Жозе Моуринионинг турк футболи ҳақида айтган гапларидан сўнг танқид қилди.

«Унинг турк футболига нисбатан ҳақоратлари ва баъзи ҳакамларга қилган ҳужумидан хавотирдаман. 14 йил ичида биринчи марта бундай гапиришга мажбур бўляпман. Шунча йилда 17 та соврин ютдим. Менинг доимий мақсадим — турк футболини ривожлантириш. 

Бу ерга 4 ой олдин келган Моуринио турк футболини танқид қилмоқда. Агар унга ёқмаса, кетиши мумкин. Менимча, кимдир унга нимадир айта олади. Турк футболини тарғиб қилаётганларга кўпроқ эътибор қаратишимиз керак», — дея уругвайлик посбоннинг сўзларини келтиради АS. 

Аввалроқ Моуринио Туркия чемпионатидаги ҳакамликни танқид қилиб, агар унга тўлиқ ҳақиқат айтилганида, бу лигада ишламаган бўлишини айтганди.