«Реал» бош мураббийи Карло Анчелотти Ла Лига 13-туридан ўрин олган «Осасуна»га (4:0) қарши ўйиндан сўнг ўз фикрлари билан ўртоқлашди. 

«Яхши ўйин бўлди. Биз шошмасдан, ўйинни хотиржам назорат қилдик. Вини ҳисобни очгач, вазият янада яхшиланди.

Бошқа ўйинлардан фарқли ўлароқ жамоа янада уюшқоқ ва ҳамжиҳат эди. 

Беллингҳэм мавсумдаги илк голини уриб олгани яхши бўлди. Лекин бу ҳужумда ҳам, ҳимояда ҳам жуда ажойиб ўйнайдиган футболчи учун кичик детал холос», — дея мадридликлар устозининг сўзларини келтиради Marca.