Роберт Левандовски «Барселона» клубида ўзини жуда яхши ҳис этмоқда ва жамоа билан келишувни узайтиришни истамоқда.

Diario Sport хабарига кўра, полшалик 36 ёшли ҳужумчи Каталония клуби билан 2026 йилгача давом этадиган шартномани узайтиришни истамоқда. Роберт 2026 йилдан кейин ҳам жамоада қолиш учун маоши камайишига рози бўлмоқда.

Клуб президенти Жоан Лапорта ҳам Левандовскига янги шартнома таклиф қилинганда у жамоада қолишига ишонмоқда.

Маълумот учун, 36 ёшли голеадор жорий мавсум Ла Лигада 12 ўйинда 14та голга муаллифлик қилди.