«Реал» «Олтин тўп» соҳиби Родри ёки “Челси» яримҳимоячисини сотиб олиши мумкин.

Олдинроқ «Ливерпул» мадридликлар яримҳимоячиси Орелиен Чуамени билан шартнома имзоламоқчи эканлиги хабар қилинганди.

Франциялик футболчининг сотилиши «Реал»га «Олтин тўп» ютган «Манчестер Сити» яримҳимоячиси Родрини сотиб олиш имконини беради, дея хабар беради журналист Саша Таволиери. 28 ёшли испани тиззасидан олган жароҳати сабаб мавсум охиригача сафдан чиққан. 

«Реал» Родрига муқобил вариант сифатида Аргентина миллий жамоаси билан жаҳон чемпиони бўлган, «Челси»да ўйнайдиган Энцо Фернандес номзодини кўриб чиқмоқда.