«Навбаҳор» собиқ бош мураббийи Самвел Бабаян «Локомотив» клубида расман фаолият бошлагани маълум бўлди.

Тошкент клуби ва ПФЛ куни кеча жамоанинг янги устози сифатида расман Григорий Колосовскийни таништирган бўлса-да, Самвел Бабаян ҳам «темирйўлчилар»да расман иш бошлагани ўз тасдиғини топди.

Бугун Суперлига 24-тури доирасида «Динамо»га қарши учрашув учун «Локомотив»нинг расмий қайдномасида Самвел Бабаян «Локомотив» қайдномасида расмий шахс сифатида кўрсатилган. У мураббийлар штаби билан бирга ўтиради.

Аввалроқ, Tribuna.uz Самвел Бабаян «Динамо»га қарши «Локо»нинг ўйин олди машғулотида жамоани шуғуллантиргани ҳақида хабар қилганди.