«Арсенал» бош мураббийи Микел Артета ЕЧЛ 4-туридан ўрин олган «Интер» (0:1) билан ўйиндан кейин ўз фикрларини билдирди. 

«Мен ўз футболчиларим ва биз кўрсатган устунлик билан фахрланаман. Ҳакамлар бизга жуда шафқатсиз муносабатда бўлишди, бу аниқ.

Агар сиз пеналти белгиласангиз, бошқа эпизодда (2-бўлим охирида Биссек ва Ҳавертц ўртасидаги тўқнашув) ҳам уни беришингиз керак, чунки футболчининг бошига зарба берилди. 

Биз ҳеч бўлмаганда 1-2 та гол уришимиз керак эди. Жамоанинг ўйинига қарасак, ўзимизга ўхшадик. Жарима майдонидаги ҳар бир қарор муҳим. Бугунги ўйинимизга қарасак, биз ҳафта охирида «Челси»ни мағлуб этишга қодирмиз», — деди «тўпчилар» устози TNT Sports эфирида.