ОФК Чемпионлар лигаси-2 4-тури доирасида «Насаф» Қаршида «Ал Ҳусейн»ни қабул қилди.

Учрашувда Шароф Муҳитдинов чиройли зарбаси билан иорданияликлар дарвозасини ишғол этиб ҳисобни очган бўлса, бўлим якунига қадар Резиқ Муҳаммад дарвозабон ва ҳимоячининг хатосидан фойдаланиб, меҳмонларни ҳисобда олдинга олиб чиқди – 1:2.

Иккинчи бўлимда Рўзиқул Бердиев ўзгаришлар билан ўйинни ўзгартиришга ҳаракат қилди, аммо бу самара бергани йўқ.

Шу тариқа, «Насаф» сафарда ҳам, уйида ҳам «Ал Ҳусейн»га мағлуб бўлиб, гуруҳда 4 очко билан 3-ўринда бормоқда ва кейинги босқичга чиқиш имкониятини жуда қийинлаштирди. Иордания клуби эса 9 очко билан пешқадамлик қилмоқда. Қаршилар гуруҳдаги сўнгги икки учрашувни «Ал-Кувайт» (27 ноябр) ва «Шабоб Ал-Аҳли»га (4 декабр) қарши ўтказади.

Чемпионлар лигаси-2. 4-тур

«Насаф» – «Ал Ҳусейн» (Иордания) – 1:2

Ҳакам: Ҳанна Ҳаттаб (Сурия)

Голлар: Шароф Муҳитдинов 23 – Резиқ Муҳаммад 31, 45+2.

«Насаф»: 35.Абдувоҳид Неъматов, 5.Ғолиб Ғайбуллаев, 7.Акмал Мозговой, 8.Зафармурод Абдураҳматов (6.Мурод Раҳматов,67), 9.Жавоҳир Сиддиқов (70.Жаба Жигаури, 46), 14.Шароф Муҳитдинов, 19.Стефан Чолович ( 88.Марко Станоевич, 80) 22.Игор Голбан (28.Шуҳрат Муҳаммадиев, 46), 32.Зоран Марушич (10.Бобур Абдихолиқов, 46), 34.Шерзод Насруллаев, 77.Ойбек Бозоров.

«Ал Ҳусейн»: 1.Ёзид Абдулла, 3.Абдуллаҳ Насиб, 5.Али Аҳмад (17.Ал Қураиший, 61), 8.Ража Ҳасан, 13.Маҳмуд Ал Марди, 15.Саид Аҳмад, 21.Салим Амер (88.Итало Энрике Силва,74), 24.Эҳсон Ҳаддад, 36.Абдулжалил Ажагун, 77.Ориф Ҳаитам (90.Резиқ Муҳаммад Баниҳани, 15), 98.Юсуф Абу Жалбуш.