ФИФА президенти Жанни Инфантино Доналд Трампни президентлик сайловларида ғолиб бўлгани билан қутлади.

«Табриклаймиз, жаноб Президент! Бизни клублар ўртасидаги жаҳон чемпионати ва миллий жамоалар иштирокидаги мундиал кутиб турибди!

Футбол — дунёни бирлаштиради», — деб ёзган ФИФА президенти Жанни Инфантино. 

Трамп АҚШдаги президентлик сайловларида ғалаба қозонганини эълон қилди. Fox News телеканали Трамп аллақачон 277 овоз қўлга киритиб бўлганини маълум қилган, ғолиблик учун эса 270 овоз ҳам етарли. Associated Press ва The New York Times ҳозирча у — 267, CNN ва NBC News — 266 овоз олганини хабар қилган.

Эслатиб ўтамиз, сайловнинг якуний натижалари ҳали аниқ эмас, овозларни ҳисоблаш жараёни давом этмоқда.