«Барселона» бош мураббийи Ҳанси Флик Ла Лига 12-туридан ўрин олган «Эспаньол»га (3:1) қарши ўйиндан сўнг ўз фикрлари билан ўртоқлашди. 

«Дерби ҳар доим қийин, биринчи бўлимда жамоа юқори савия кўрсатди, аммо иккинчисида биз кўниккандек ўйнай олмадик. Жуда кўп тўп йўқотдик ва бу — «Эспаньол» ўз ўйинини яхшилай олганининг сабабларидан бири.

Одатда ўйинчилар бор эътиборни жамлашади, лекин иккинчи бўлимда эмас. Ла Масия йигитлари ажойиб ишлашяпти. Мураббий сифатида мен баъзида концентрация йўқолишини сезаман ва бунинг устида ишлашимиз керак. Лекин энг муҳими 3:1 ҳисобида ғалаба қозондик.

Биз 6 яримҳимоячи билан ўйнашни давом эттирамиз. Ҳамма қайтаётганидан жуда хурсандмиз. Уларни асрашимиз керак.

Дани Олмо иккита гол урганидан хурсандман, бу жуда муҳим эди. Жароҳатдан кейин Гавининг аста-секин асосий таркибда майдонга тушиши муҳим.

VAR ва офсайдлар — ўйинимизнинг бир қисми. Иккинчи бўлимда биз учун қийинроқ бўлди, чунки етарлича прессинг қилмадик», — деди каталонияликлар устози DAZN'га берган интервюсида.