Килиан Мбаппенинг «ПСЖ» президенти билан бўлган можаросига кичик Мбаппе таъсир қилган.

L'Equipe хабарига кўра, май ойида Носир Ал Хилайфий бош мураббийи Луис Энрикедан 17 ёшли Этан Мбаппени Лига 1нинг сўнгги туридаги «Тулуза»га қарши ўйин (1:3) қайдномасига киритмасликни талаб қилган. Шундан сўнг Этан «Парк де Пренс» стадиони кийиниш хонасида йиғлаган ва буни акаси кўриб қолиб, президент билан зиддиятга борган. 

Аввалроқ Мбаппе ва Ал Хилайфий ўртасидаги можарога Килианнинг хайрлашув видеосида «ПСЖ» президенти ва Қатар амири ҳақида гапирилмагани сабаб бўлгани айтилганди. 

Ўтган мавсум охирида Мбаппе клубни эркин агент сифатида тарк этиб, «Реал»га ўтди. Этан эса «Лилл» билан фаолиятидаги дастлабки профессионал битимни имзолади.