Лаутаро Мартинес «Олтин тўп»нинг якуний рейтингида 7-ўринни эгаллаганидан мамнун эмас.

«Тўғрисини айтсам, бундан кўпроқ нарса кутгандим, лекин мен «Интер»да ва Аргентина миллий жамоасида ўйнайман. 

Баъзида бу мукофотлар адолатсиз бўлади, лекин мен ўз ишимдан мамнунман. Формага қайтяпман.

Маълумки, мавсумолди тайёргарликни узоқ мавсумдан кейин кечроқ бошладим. Кам дам олдим ва кўп ўйнадим, шунинг учун чарчоқ — одатий ҳол. Аммо биз ҳаммамиз қўлимиздан келганини қилиш ҳаракатидамиз ва давом этишимиз керак, чунки мавсум ҳали узоқ», — деди 27 ёшли ҳужумчи ҳужумчи DAZN эфирида. 

Маълумот учун, Лаутаро ўтган мавсумда «Интер» билан А Серия ва Италия Суперкубогида ғолиб бўлди, Аргентина сафида Америка Кубогида зафар қучди.