Премьер-лига расмий сайти октябр ойи якунларига кўра, ойнинг энг яхши мураббийи номи учун номзодларни маълум қилди.

Унга кўра, Нуну Эшпириту Санту («Ноттингҳем Форест»), Пеп Гвардиола («Манчестер Сити»), Арне Слот («Ливерпул») ва Фабиан Хюрцелер («Брайтон») ойнинг энг яхши мураббийи бўлиш учун курашмоқда.

Эшпириту Санту жамоаси билан 3 ўйинда 2 ғалаба ва 1 дуранг қайд этган бўлса, Гвардиола 3 ўйинда ҳам ғалабага эришди. Слотда 2 ғалаба ва 1 дуранг, 31 ёшли Хюрцелерда эса 2 ғалаба ва бир дуранг мавжуд.

Маълумот учун, ўтган сентябр ойида «Челси»дан Энцо Мареска совринга эга чиққанди.