«Манчестер Юнайтед» собиқ бош мураббийи Эрик тен Ҳаг фаолиятини Германия чемпионатида давом эттириши мумкин.

TeamTalk хабарига кўра, «Боруссия» клуби раҳбарияти нидерландиялик мураббийни Дортмундга таклиф этиш масаласини кўриб чиқмоқда. Клуб кетма-кет учта мағлубиятдан кейин жамоа мураббийи Нури Шаҳинни истеъфога чиқариб, ўрнига тен Ҳагни таклиф этмоқчи.

Тен Ҳаг ўтган ҳафтада Манчестер клубидаги 3 йиллик фаолиятидан кейин истеъфога чиқарилган эди.

Маълумот учун, «Боруссия» «Волфсбург»га ютқазиб Германия кубогини тарк этган бўлса, Бундеслигада 7-ўринда, ЕЧЛда эса 11-поғонада бормоқда.