Марио Балотелли «Женоа» футболчисига айланди.

А Серия клуби 34 ёшли форвардни эркин агент сифатида ўз сафига қўшиб олганини эълон қилди.

Шартнома муддати ҳақида маълумот берилмаган, бироқ аввалроқ келишув 2025 йилгача амал қилиши ҳақида хабар берилганди. 

Маълум қилинишича, италиялик футболчи бонусларга қараб 400 мингдан 500 минг еврогача маош олади. Шартнома, шунингдек, муайян шартлар асосида бекор қилиш имкониятини ҳам назарда тутади.

Балотеллининг сўнгги жамоаси Туркиянинг «Адана Демирспор» клуби бўлганди.