Ҳанс-Дитер Флик Ла Лиганинг октябр ойидаги энг яхши мураббий деб топилди.

«Барселона» устози овозлар сонига кўра Карло Анчелотти («Реал») ва Иманол Алгуасилни («Реал Сосиедад») ортда қолдирди. 

Германиялик мутахассис бу мавсумда иккинчи марта совринни қўлга киритди. У август ойида ҳам Ла Лиганинг энг яхши мураббийи сифатида эътироф этилганди. 

Октябр ойида «Барса» Флик бошчилигида Ла Лиганинг 3 та ўйинида — «Алавес», «Севиля» ва «Реал» устидан 3 та йирик ғалабага эришди — умумий ҳисобда 12:1. Каталонияликлар чемпионатда 6 очколик фарқ билан пешқадамлик қилмоқда.