Винисиус Жуниор класико пайтида бўлган ирқчиликни қоралади.

Аввалроқ «Барселона»нинг «Реал» дарвозасига киритган учинчи тўпидан сўнг баъзи томошабинлар Ламин Ямални «лаънати қора танли» ва «мавр» деб ҳақоратлашгани хабар қилинганди. Алехандро Балде, Ансу Фати ва Рафиня Диас ҳам ирқий камситилган.

«Кеча «Бернабеу»да ирқчилик билан бўлган воқеа афсусланарли. Бундай жиноятчиларга жамиятимизда ўрин йўқ.

Мен Ламин, Ансу ва Рафиняни тўлиқ қўллаб-қувватлайман. Биламан, «Реал» ва полиция айбдорларни аниқлаш ҳамда жазолаш учун ҳамма нарса қилади!» – деб ёзди мадридликлар вингери.