Суперлига 22-турининг сўнгги ўйинида турнир пешқадами «Насаф» муҳим ғалабага эришди.

«Динамо» билан баҳсда Хислат Халилов ҳисобни очган бўлса-да, «Насаф» 89-дақиқада ҳисобни тенглаштирди, 90+11-дақиқада эса бош ҳакам Шавкат Насибуллаев самарқандликлар дарвозаси томон пеналти белгилади ва ғалаба голини дарвозабон Абдувоҳид Неъматов киритди – 2:1.

Шу тариқа, «Насаф» 49 очко билан чемпионликка жуда яқинлашди, «Динамо» 8-ўринда бормоқда.

Суперлига, 22-тур

«Динамо» — «Насаф» 1:2

Бош ҳакам: Шавкат Насибуллаев

VAR ҳаками: Ильгиз Танташев

Голлар: Хислат Халилов 55 – Муродбек Раҳматов 89, Абдувоҳид Неъматов 90+11  пеналтидан

«Динамо»: 13.Равшанбек Ягудин, 3.Улуғбек Абдуллаев (8.Хислат Халилов, 46), 6.Жаҳонгир Ўрозов, 7.Франсис Нарх, 10.Жоэль Кожо, 17.Салим Мустафоев, 18.Дилшод Раҳматуллаев (11.Маркос Кайк, 46), 21.Анваржон Хожимирзаев, 44.Душан Мийич, 70.Майкон Дуглас (23.Азизбек Аҳмедов, 68), 77.Воҳиджон Оқбўтаев.

«Насаф»: 35.Абдувоҳид Неъматов, 4.Дилшод Комилов, 5.Ғолиб Ғайбуллаев, 7.Акмал Мозговой, 8.Зафармурод Абдираҳматов (44.Шаҳзод Акрамов, 70), 9.Жавоҳир Сидиқов (6.Мурод Раҳматов, 54), 14.Шароф Муҳитдинов (10.Бобир Абдихолиқов, 54), 19.Стефан Чолович, 22.Игорь Голбан (28.Шуҳрат Муҳаммадиев, 70), 32.Зоран Марушич, 77.Ойбек Бозоров.