Жейми Каррагернинг фикрича, «Арсенал» бош мураббийи Микел Артета Жозе Моуриниога ўхшаб кетмоқда. 

«Арсенал»ни томоша қилиш қизиқ. Мен бу ҳақда анчадан бери ўйлардим: Микел Артета Пеп Гвардиола билан ишлаган ва биз уни Гвардиоланинг шогирди деб ўйлагандик. Аммо сўнгги 15 йилдаги энг муваффақиятли икки мураббий ҳақида ўйласангиз, бир томонда Пеп, иккинчи томонда Жозе Моуринио бор.

Артета аста-секин Моуринио услубидаги мураббийга айланиб бормоқда. Ҳеч ким бундай бўлишини ўйламаган. Улар «Ливерпул»га қарши баҳснинг иккинчи бўлимида орқага чекинишди», — дея мерсисайдликлар собиқ ҳимоячисининг сўзларини келтиради Sky Sports.